Басты » Редакция таңдауы » НҰРСҰЛТАН НАЗАРБАЕВ «ХИМФАРМ» АҚ-ДА БОЛДЫ

НҰРСҰЛТАН НАЗАРБАЕВ «ХИМФАРМ» АҚ-ДА БОЛДЫ

22_04_1-9.mp4_snapshot_00.57_[2016.04.22_20.10.12]

     ОҚО-ға іс-сапар барысында Мемлекет басшысы «Химфарм» АҚ-да болып, кәсіпорынның жаңа цехының жұмысымен және өндіретін өнімдерімен танысты.

     Сондай-ақ Мемлекет басшысы еңбек ұжымы өкілдерімен әңгімелесіп, цехтың ашылуымен құттықтады және оның табысты дамуына, бәсекеге қабілеттілігінің жоғары болуына тілектестігін білдірді. Нұрсұлтан Назарбаев бүгінде дәрілік препараттар нарығы перспективалы бағыттардың бірі болып отырғанын, сондықтан отандық фармацевтика саласының көшбасшысы ретінде кәсіпорын мен қала үшін зор мүмкіндіктерге жол ашылатынын айтты.

     Цех еңбеккерлері Қазақстан Президентіне осы салаға көңіл бөліп отырғаны үшін алғыс айтты.

     «Химфарм» АҚ жобасы жалпы құны 14 миллиард теңге болатын 4 кезеңнен тұрады. Бүгінде құны 5,8 миллиард теңге болатын бірінші кезеңі жүзеге асырылған. Жоба 350 миллион ампула инъекциялық ерітінді, 4 миллион пакет инфузионды ерітінді, 40 миллион флакон антибиотик және 1 миллиард таблетка шығаруға мүмкіндік береді.

22_04_1-9.mp4_snapshot_00.34_[2016.04.22_20.09.35]

     Кәсіпорын елдің жалпы дәрі-дәрмек нарығының 5 пайыздан астамын қамтиды және дәрілік заттардың ішкі өндірісінің 50 пайыздан астамын қамтамасыз етеді.

     Бүгінгі таңда кәсіпорын өнімдері Ресей, Моңғолия, Қырғызстан, Тәжікстан және Түрікменстан елдеріне экспортталады. Өткен жылы компаниямен құны 1,3 млрд. теңгеден астам қаржы болатын дәрі-дәрмек экспортталған. Ендігі жоспар – Өзбекстанның нарығына шығу және Ресейдегі алатын орнының ауқымын кеңейту болып отыр.

Сайт әкімшілігі ескеретеді! Егер сіз балағат сөздер немесе өзгелердің ар-намысына тиетін пікірлер жазып қалдырсаңыз, сайт әкімшілігі жазбаңызды жарияламайды!

Пікір қалдырыңыз

Сіздің email-ңіз еш жерде көрсетілмейдіМіндетті түрде толтырыңыз *

*